لوئر اورکزئی میں دھماکہ،30سے زائد جاں بحق

ہنگو... لوئر اورکزئی ایجنسی کے علاقے کلایا بازار میں مدرسے کے باہر دھماکے میں 30 سے زائد افراد جاں بحق جب کہ 20 زخمی ہوگئے۔ ہلاکتوں میں اضافے کا خدشہ ہے۔سیکیورٹی ذرائع کے مطابق مدرسے کے داخلی دروازے کے قریب زوردار دھماکہ ہوا ۔ سرچ آپریشن شروع کردیا گیا۔کسی گروپ نے حملے کی ذمہ داری قبول نہیں کی۔ دریں اثناء خیبرپختونخوا کے وزیر اعلیٰ محمود خان نے دھماکے کی مذمت کرتے ہوئے کہا کہ دشمن قوتیں صوبے میں پرامن ماحول کو خراب کرنا چاہتی ہیں۔ انہوں نے کہا کہ اس طرح کے واقعات میں بے گناہ شہریوں کو نشانہ بنانا غیر انسانی عمل ہے ۔