بیوی کو گاڑی سے کچلنے کی کوشش 

عسیر پولیس کے مطابق سعودی شہری کے خلاف قانونی کارروائی کی گئی ہے (فوٹو :عاجل)
سعودی عرب میں عسیر پولیس نے بیوی کو گاڑی سے کچلنے کی کوشش کرنے والے سعودی کے خلاف مقدمہ درج کرلیا ہے۔
سوشل میڈیا پر وائرل ہونے والی ویڈیو میں ایک شخص کو خاتون کو گاڑی سے ٹکر مار کر گراتے اور پھر کچلنے کی کوشش کرتے دیکھا جاسکتا ہے۔ 
اس ویڈیو پر سوشل میڈیا صارفین نے  سخت غم و غصے کا اظہار کرتے ہوئے سعودی شہری کے خلاف کارروائی کا مطالبہ کیا تھا۔ 
عاجل اور اخبار24 ویب سائٹ کے مطابق عسیر پولیس نے جمعہ کو اعلامیے میں واضح کیا کہ یہ ویڈیو کلپ اگرچہ حقیقی ہے مگر یہ واقعہ پانچ ماہ قبل پرانا ہے۔‘

ویڈیو پر سوشل میڈیا صارفین نے  سخت غم و غصے کا اظہار کرتے ہوئے سعودی شہری کے خلاف کارروائی کا مطالبہ کیا تھا (فوٹو:عاجل)

عسیر پولیس کے ترجمان نے  بتایا کہ ’یہ واقعہ دس ستمبر2019 کو پیش آیا تھا، تحقیقات سے پتا چلا ہے کہ ایک مقامی شہری کا اپنی بیوی سے جھگڑا ہوگیا تھا۔  گھریلو تنازع پر اس نے بیوی کو جان بوجھ کر کچلنے کی کوشش کی۔‘
پولیس کے مطابق ’خاتون کو فوری طور پر ہسپتال میں داخل کرکے اس کا علاج کرایا گیا تھا جبکہ اسے کچلنے کی کوشش کرنے والے شوہر کے خلاف فوجداری کیس رجسٹر کرلیا گیا تھا۔‘

شیئر: