مکہ میں ماں کو قتل کرنے والا بیٹا گرفتار

دنیا بھر میں مہلک وائرس کورونا ہزاروں لوگوں کی جان لے چکا ہے وہیں انسانیت دشمنی کا وائرس بھی اپنے انداز میں جگہ جگہ موجودہے-

سبق ویب سائٹ کے مطابق مکہ مکرمہ کے شرائع المجاہدین محلے میں انسانیت سےعاری ایک مقامی نوجوان اپنی ماں کا گلا گھونٹ کر جائے وقوعہ سے فرار ہوگیا-

 مکہ مکرمہ کی پولیس نے قاتل کو الجعرانا محلے سے گرفتار کرلیا- وہ مکہ مکرمہ کے مشرقی محلے میں ایک دکان کے قریب سے پیدل گزر رہا تھا-

گشتی دستہ اس کے تعاقب میں تھا- پولیس نے اسے پہچانتے ہی گرفتار کرلیا- سعودی نوجوان عمر کے دورے عشرے میں ہے-

مکہ مکرمہ پولیس نے ایف آئی آر درج کرلی اور اس کی فائل پبلک پراسیکیوشن کے حوالے کردی-

واقعہ کی اطلاع ملتے ہی مکہ مکرمہ میں رنج و ملال کی لہر دوڑ گئی- سیکڑوں افراد نے اس پر شدید غم و غصے کا اظہار کیا ہے-