خلیجی ممالک میں کورونا کے 82 ہزار مریض

کورونا وائرس سے خلیجی ممالک میں 7 مئی جمعرات تک 82 ہزار 585 مریض رپورٹ ہو چکے ہیں- ان میں سے19 ہزار 17 صحت یاب ہوئے ہیں-

جمعرات  کی شب تک 3811 نئے کیسز رپورٹ ہوئے ہیں نئے مریضوں میں سے 330 کی حالت نازک ہے جبکہ خلیجی ممالک میں کورونا وائرس سے اب تک  462 افراد ہلاک ہوچکے ہیں-

الامارات الیوم کے مطابق متحدہ عرب امارات میں سات اپریل کو کورونا وائرس کے 502 نئے کیس رپورٹ ہوئے جس کے بعد متاثرین کی کل تعداد 16 ہزار 240 ہوگئی ہے- ان میں سے ایک کی حالت نازک ہے- امارات میں وائرس سے  165 افراد ہلاک ہوچکے ہیں-

سکائی نیوز کے مطابق کویتی وزارت صحت نے 278 نئے  کیسز کا اعلان کیا ہے جس کے بعد متاثرین کی کل تعداد 6567 ہوگئی-

بحرین کی وزارت صحت کا کہنا ہے کہ کورونا کے 122 کیس رپورٹ ہوئے ہیں اور  98 صحت یاب ہوگئے ہیں-

عمانی وزارت صحت نے 55 نئے کیسز کا اعلان کیا ہے-

سوڈان میں 78 نئے کیس ریکارڈ ہوئے جبکہ  3 افراد کورونا سے ہلاک ہوگئے-

اردن کی وزارت صحت کا کہنا ہے کہ ملک میں گذشتہ چوبیس گھنٹوں کے دوران کورنا کے مزید 21 کیسز سامنے آئے-

لبنانی وزارت صحت کا کہنا ہے کہ باہر سے 33 اور اندرون ملک سے ایک شخص کورونا کی زد میں آگیا جس کے بعد متاثرین کی کل تعداد  784 تک پہنچ گئی-

مصری وزارت صحت کا کہنا ہے کہ ملک میں 387 نئے کیس ریکارڈ ہوئے اور وائرس سے  17 مزید اموات ہوئیں-

الجزائر کی وزارت صحت کا کہناہے کہ کورونا سے 159 مزید افراد متاثر ہوئے ہیں اور  6 ہلاکتیں ریکارڈ کی گئیں-

عراق میں کورونا کے نئے 49 کیس رپورٹ ہوئے-

مراکش کی وزارت صحت نے بتایا ہے کہ 163 نئے  کیس ریکارڈ پر آنے کے بعد کل تعداد  5382 ہوگئی-

شامی وزارت صحت نے بتایا کہ ملک میں کورونا وائرس سے متاثرین کی کل تعداد بڑھ کر 45 ہوگئی- 27 صحت یاب ہوگئے اور  3 ہلاکتیں ہوچکی ہیں-