پاکستان میں کورونا وائرس کی وبا میں تیزی کے بعد پیر کے روز وفاقی وزیرتعلیم شفقت محمود نے تعلیمی ادارے بند اور بیشتر امتحانات ملتوی کرنے کا اعلان کیا تو سوشل میڈیا صارفین کی خاصی تعداد انہیں لمحوں میں کہیں پاکستان کا ’اگلا وزیراعظم‘ بنا گئی اور کوئی ’شفقت کا نام‘ سورج و چاند کی موجودگی تک باقی رہنے کے نعرے شیئر کرتا رہا۔
وفاقی وزیرتعلیم کی جانب سے 26 نومبر سے تعلیمی اداروں میں چھٹیاں کرنے کا اعلان کیا گیا ہے جس کے بعد تعلیمی ادارے تقریبا وسط جنوری تک بند رہیں گے۔
اس پیشرفت کی اطلاع سوشل میڈیا ٹائم لائنز پر فورا آئی اور دیکھتے ہی دیکھتے متعدد ٹرینڈز بنا کر سب سے اہم موضوع کی حیثیت اختیار کر گئی۔
سوشل میڈیا ٹائم لائنز نے کہیں تعلیمی اداروں کی بندش کے اعلان کے بعد والدین اور اساتذہ کا ردعمل شیئر کرنے کے لیے لفظوں کا سہارا لیا گیا تو کہیں میمز سے کام چلایا گیا۔
کچھ صارفین نے خوشی بھرے جذبات کا اظہار کیا تو شفقت محمود کو مستقبل کا وزیراعظم قرار دے دیا گیا۔
معاملہ یہی نہیں رکا بلکہ کئی صارفین نے ایک ویڈیو کلپ شیئر کیا جس میں کسی تعلیمی ادارے کے ہاسٹل جیسے مقام پر موجود طلبہ ’جب تک سورج چاند رہے گا، شفقت تیرا نام رہے گا‘ کے نعرے لگاتے دیکھے اور سنے جا سکتے ہیں۔
So happy #schools students.Students Right Now. #ShafqatMahmood Confirm Jannti pic.twitter.com/dDUGuef2BG
— WASEEM TARIQ (@wasimtariq_) November 23, 2020