سعودی بچے کو سمندر کے کنارے تیرتا ہوا عنبر مل گیا

تبوک کے علاقے ’الوجہ‘ کے جنوبی سمندری ساحل پر ایک بچے کو  کھیلتے ہوئے قیمتی 15 کلو عنبر ملا ہے۔

محمود ابو سالم کے مطابق ان کے بیٹے عبدالرحمان کو سمندری ساحل سے تیرتا ہوا قیمتی عنبر ملا ہے جو  پتھروں سے مشابہ ہے اس کے چھوٹے چھوٹے ٹکڑے ہیں جو تین رنگوں سیاہ، مٹی اور سرخ رنگ میں ہیں۔

عکاظ اخبار کے مطابق انہوں نے ان ٹکڑوں کے بارے میں جب تحقیق شروع کی تو انہیں محمد الحضری نے بتایا کہ یہ قیمتی عنبر کے ٹکڑے ہیں۔

انہوں نے مزید بتایا کہ وہ عنبر کو تاجروں کے پاس بیچنے کے لیے لے گئے تھے جنہوں نے اس کو خریدنے میں دلچسپی  ظاہر کی ہے۔

مارکیٹ میں سرخ عنبر کی قیمت 170 ہزار ریال فی کلو ہے، مٹیالے  رنگ کے عنبر کی قیمت 145 ہزار ریال فی کلو اور سیاہ رنگ کا عنبر 110 ہزار ریال فی کلو ہے۔