نئے کاروباری ہفتے میں بھی پاکستانی روپے کی قدر میں بہتری کا رجحان برقرار

نئے کاروباری ہفتے میں بھی پاکستانی روپے کی قدر میں بہتری کا رجحان برقرار رہے۔

پیر کے روز انٹربینک مارکیٹ میں امریکی ڈالر کے مقابلے میں پاکستانی روپے کی قدر میں اگرچہ ایک پیسے کی ہی بہتری ہوئی لیکن گزشتہ ہفتے سے جاری بہتری کے رجحان کا تسلسل تھا۔

سٹیٹ بینک آف پاکستان کی جاری کردہ رپورٹ کے مطابق پیر کے روز انٹربینک مارکیٹ میں امریکی ڈالر کی قدر 174.47 روپے رہی جو جمعہ کو کاروباری ہفتے کے آخری روز 174.48 تھی۔

انٹربینک مارکیٹ میں روپے کے مقابلے میں سعودی ریال کی قدر 46.50، اماراتی درہم 47.49، برطانوی پاؤنڈ 236.24، کویتی دینار 577.21، عمانی ریال 453.18 اور بحرینی دینار کی قدر 462.84 روپے رہی۔

پیر کے روز اوپن مارکیٹ میں امریکی ڈالر کی قیمت خرید 175.2 اور قیمت فروخت 176.6، سعودی ریال کی قیمت خرید 46.2 اور قیمت فروخت 46.7، اماراتی درہم کی قیمت خرید 48.5 اور قیمت فروخت 49.1 روپے رہی۔

اوپن مارکیٹ میں برطانوی پاؤنڈ کی قیمت خرید 237.5 اور قیمت فروخت 240 روپے جب کہ یورو کی قیمت خرید 199 اور قیمت فروخت 201 روپے رہی۔