’احرام کے دوران کن چیزوں کے استعمال کی ممانعت نہیں‘

سعودی وزارت حج وعمرہ کا کہنا ہے کہ ’ احرام کے دوران چھ چیزوں کی ممانعت نہیں ان کے استعمال سے احرام کی حالت پرکوئی فرق نہیں پڑتا‘۔ 

وزارت نے ایکس اکاونٹ پر احرام کی حالت میں ان اشیا کے حوالے سے وضاحت کی کہ ان میں’ چشمہ، انگوٹھی اور گھڑی پہننا، چھوٹا بیگ، کرنسی رکھنے کا پرس یا جسم کے ساتھ باندھا ہوا چھوٹا بیگ شامل ہے‘۔ 

وزارت حج کا مزید کہنا تھا کہ’احرام میں نہانے، چھتری اٹھانے، چپل پہننے اور زخم پر پٹی باندھنے کی بھی ممانعت نہیں‘۔  

 وزارت حج وعمرہ کی جانب سے احرام کے لیے جائز شرائط کو واضح کیا گیا ہے تاکہ زائرین کو دشواری کا سامنا نہ کرنا پڑے۔