کہیں ہلکی بارش، کہیں گرد و غبار اور کہیں دھند
’آج بھی جدہ ملک کا گرم ترین شہر رہے گا جہاں درجہ حرارت 37 سینٹی گریڈ رہے گی‘ ( فوٹو: سبق)
محکمہ موسمیات نے کہا ہے کہ آج بدھ کو مکہ مکرمہ، مدینہ منورہ، تبوک، جازان، عسیر اور مشرقی ریجن میں تیز ہوا چلے گی جبکہ مطلع غبار آلود رہے گا۔
سبق ویب سائٹ کے مطابق محکمے نے کہا ہے کہ ’جازان، عسیر اور مکہ مکرمہ کے بالائی علاقوں میں رات کے وقت اور صبح سویرے دھند چھائی رہے گی‘۔
مکرمہ مکرمہ ریجن کے متعلق محکمے نے کہا ہے کہ ’جدہ، الخرمہ، المویہ اور تربہ میں تیز ہوا چلے گی جبکہ مطلع غبار آلود ہونے کی وجہ سے حد نگاہ متاثر رہے گی‘۔
’یہی کیفیت مدینہ منورہ شہر کے علاوہ ینبع، العیص اور خیبر میں ہوگی جہاں شام 5 بجے تک حد نگاہ متاثر رہنے کا امکان ہے‘۔
’جازان ریجن کے متعدد شہروں میں ہلکی بارش ہوگی جبکہ الباحہ اور عسیر کے بالائی علاقوں میں دوپہر 12 بجے تک مطلع ابر آلود رہے گا‘۔
محکمہ موسمیات نے کہا ہے کہ ’آج بھی جدہ ملک کا گرم ترین شہر رہے گا جہاں درجہ حرارت 37 سینٹی گریڈ رہے گی‘۔
’جبکہ السودہ اور القریات ملک کے سرد ترین علاقے ہیں جہاں درجہ حرارت صرف 3 ڈگری ہے‘۔
