شام کی مدد کے لیے پانچواں طیارہ دمشق روانہ

شام کی مدد کے لیے سعودی امداد کی ترسیل جاری ہے جس کے تحت جمعہ اور ہفتے کی درمیانی شب پانچواں طیارہ ریاض سے دمشق روانہ ہوگیا ہے۔

سبق ویب سائٹ کے مطابق کنگ سلمان سینٹر برائے انسانی امداد نے شام کی مدد کے لیے فضائی پل قائم کردیا ہے۔

کنگ سلمان سینٹر کی انتظامیہ نے کہا ہے کہ ’شام میں سعودی امداد شامی ہلال احمر کے ذریعہ تقسیم کی جائے گی‘۔

’روانہ کئے جانے والے طیارے میں 28 ٹن امدادی سامان ہے جس میں خشک راشن، غذائی اشیا، ادویہ اور سلیپنگ بیگز شامل ہیں‘۔