قطر ایئر ویز آئندہ ماہ ریڈ سی انٹرنیشنل ایئرپورٹ کے لیے پروازیں شروع کرے گی

  قط ایئرویز 21 اکتوبر 2025 سے حمد انٹرنیشنل ایئرپورٹ سے ریڈ سی انٹرنیشنل ایئرپورٹ کے لیے پروازیں شروع کرے گی۔

اخبار 24 کے مطابق ریڈ سی انٹرنشینل نے قطرایئرویز کے ساتھ معاہدے پر دستخط  کیے ہیں جس کے بعد دنیا بھر کے 90 ممالک سے ریڈ سی انٹرنیشنل ایئرپورٹ جڑ جائے گا۔

معاہدے کے مطابق قطر ایئرویز، ہفتہ میں 3 پروازیں دوحہ کے حمد انٹرنیشنل ایئرپورٹ سے ریڈ سی انٹرنیشنل ایئرپورٹ کے لیے شروع  کرے گی۔

ریڈ سی انٹرنیشنل کے سی ای او جان نے کہا’ ریڈ سی میں مزید عالمی معیار کے ہوٹلز اور تفریحی مقامات کا افتتاح کیا جائے گا جس سے ہمارے مہمانوں کو  مثالی اور پائیدار تفریح کے مقامات میسرآئیں گے۔‘

 قطرایئرلائن گروپ کے سی ای او انجینئربدرالمیر نے بھی اس معاہدے کو مثالی قرار دیتےہوئے مسافروں کےلیے نئی اور خوبصورت تجربے سے عبارت کیا۔

واضح رہے ریڈ سی انٹرنشینل ایئرپورٹ مکمل طورپر قابل تجدید پذیر توانائی سے چلایا جائے گا جہاں 7 لاکھ 60 ہزار سولر پلیٹیں لگائی گئی ہیں جو دنیا میں سب سے بڑا سولر انرجی سٹوریج پلانٹ ہے۔