جمعرات کو نماز استسقا ادا کی جائے، شاہ سلمان بن عبدالعزیز کی ہدایت
مسجد الحرام، مسجد نبوی سمیت تمام جامع مساجد میں نماز ادا کی جائے گی ( فوٹو: ایس پی اے)
خادم حرمین شریفین شاہ سلمان بن عبدالعزیز نے جمعرات 13 نومبر کو مملکت بھر میں نماز استسقا ( بارش کے لیے خصو صی نماز) ادا کرنے کی اپیل کی ہے۔
ایس پی اے کے مطابق ایوان شاہی نے بیان میں کہا کہ سلمان بن عبدالعزیز نے سنت رسول اکرم پر عمل کرتے ہوئے نماز استسقا ادا کرنے کی ہدایت کی ہے۔
بیان میں کہا گیا کہ ہر شخص توبہ واستغفار، نیک اعمال اور باران رحمت کےلیے اللہ تعالی سے دعا کرے۔
مملکت میں نماز استسقا کے اجتماعات مسجد الحرام، مسجد نبوی سمیت مملکت بھر کی جامع مساجد میں ہوں گے۔
