مسجدالحرام میں عبادت گزاروں نے روحانی اور عقیدت سے بھرپور ماحول میں عیدالاضحیٰ کی نماز ادا کی۔
بدھ کو مسجدالحرام میں عیدالاضحیٰ کی نماز کی امامت امام و خطیب شیخ ڈاکٹر بندر بليلہ نے کی۔
انہوں نے حجاج کرام کو یہ بھی نصیحت کی کہ وہ اپنے مناسکِ حج کو نبی کریم ﷺ کی تعلیمات کے مطابق ادا کریں اور اس بات پر زور دیا کہ اسلام کے احکامِ حج میں رحمت، اعتدال اور آسانی پائی جاتی ہے۔
شیخ ڈاکٹر بندر بليلہ نے مسلمانوں کو ایامِ تشریق میں کثرت سے ذکر و شکرِ الٰہی کرنے کی تلقین کی اور اس بات پر زور دیا کہ وہ اپنے اہلِ خانہ، غریبوں اور کمزور طبقات کی مدد کریں۔
