نوکیا 2کے پری آرڈرز شروع
ایچ ڈی ایم گلوبل کی جانب سے نوکیا 2 کو ایک ہفتہ قبل لانچ کیا گیا تھا اور اب اس فون کے پری آرڈرز شروع ہو گئے ہیں۔ اسمارٹ فون کی قیمت 117 یورو ہے حالانکہ لانچنگ کی تقریب میں کمپنی کی جانب سے فون کی قیمت 99 یورو بتائی گئی تھی۔
فون میں 5 انچ ایچ ڈی ڈسپلے ، کالکوم اسنیپ ڈریگون 212 پراسیسر ، 4100 ملی ایمپئر آورز کی بیٹری ، 1 جی بی ریم ،8 جی بی اسٹوریج دیا گیا ہے۔ اسمارٹ فون کا فرنٹ کیمرہ 5 میگا پکسل اور بیک کیمرہ 8 میگا پکسل کا ہے۔ نوکیا 2 کمپنی کا سب سے سستا اینڈرایڈ فون ہے جس میں نہ صرف گوگل اسٹنٹ بلکہ اینڈرائڈ اوریو آپریٹنگ سسٹم دیا گیا ہے۔فون کو سیاہ ، گولڈ اور سفید رنگ کے شیڈز میں پیش کیا گیا ہے۔ فون کو نومبر کے وسط میں فروخت کے لئے پیش کیا جائے گا۔
