اماراتی وزارت صحت نے کہا ہے کہ جمعرات 29 اکتوبر 2020 کو نئے کورونا وائرس کے 1312 نئے مصدقہ کیسز ریکارڈ پر آئے- وزارت نے گزشتہ چوبیس گھنٹے کے دوران معاشرے کے مختلف طبقوں اور زمروں سے تعلق رکھنے والے افراد کے 130573 کورونا ٹیسٹ کیے-
الامارات الیوم کے مطابق امارات میں کورونا وائرس کے نئے مریضوں کا تعلق مختلف ملکوں کے شہریوں سے ہے- سب کی حالت مستحکم ہے اور خطرے سے باہر ہے- اب تک امارات میں کورونا سے متاثرین کی کل تعداد ایک لاکھ 30 ہزار 336 ہوگئی-
اماراتی وزارت صحت نے بتایا ہے کہ کورونا وائرس سے مزید تین افراد کی موت واقع ہوگئی جس سے مرنے والوں کی مجموعی تعداد 488 تک پہنچ گئی-
وزارت کا کہنا ہے کہ کورونا وائرس کے مزید 1500 مریض صحت یاب ہوگئے- شفایا ب افراد کی مجموعی تعداد ایک لاکھ 26 ہزار 147 تک پہنچ گئی-
