Sorry, you need to enable JavaScript to visit this website.

مسجد قبا آج سے چوبیس گھنٹے کھولنے کا فیصلہ 

کورونا سے بچاؤ کے لیے مقرر تدابیر کی پابندی کرنا ہوگی۔(فوٹو سبق)
سعودی عرب میں وزارت اسلامی امور و دعوت و رہنمائی نے اتوار 20 جون سے مسجد قبا چوبیس گھنٹے کھولنے کی ہدایت جاری کی ہے۔
بیان میں کہا گیا کہ ’زائرین اور نمازی اب کسی بھی وقت عبادت اور زیارت کے لیے جا سکتے ہیں تاہم انہیں کورونا سے بچاؤ کے لیے مقرر تدابیر کی پابندی کرنا ہوگی‘۔
سعودی خبر رساںد ایجنسی ایس پی اے کے مطابق مسجد قبا اسلامی تاریخ کی پہلی مسجد ہے جسے پیغمبر اسلام صلی اللہ علیہ وسلم نے مکہ سے مدینہ منورہ ہجرت کے موقع پر تعمیر کرایا تھا۔
مسجد قبا، مکہ مکرمہ اور مدینہ منورہ شہروں کو جوڑنے والے ھجرہ روڈ پر واقع ہے- یہ مسجد نبوی سے جنوب میں ساڑھے تین کلو میٹر دور ہے۔
مسجد قبا، مسجد نبوی کے بعد سب سے بڑی مسجد اور چوکور شکل کی ہے۔ 

شیئر: