سعودی عرب میں موسمیات کے قومی مرکز نے کہا ہے کہ جمعرات کو کئی علاقوں میں گرج چمک کے ساتھ بارش کا امکان ہے۔
جازان، عسیر اور باحہ میں سیلاب آسکتا ہے۔ اس کا دائرہ مکہ مکرمہ کے بالائی علاقے تک پھیل جائے گا۔
مزید پڑھیں
-
عسیر ریجن کے پہاڑوں پر گہرے بادل اور دھند، درجہ حرارت کمNode ID: 585336
-
دمام میں درجہ حرارت 50.5 سینٹی گریڈ تک پہنچ گیاNode ID: 587991
اخبار 24 کے مطابق قومی مرکز نے بیان میں کہا کہ ژالہ باری کے ساتھ تیز ہوائیں چلنے کا بھی امکان ہے۔
قومی مرکز نے توقع ظاہر کی کہ جمعرات کو مشرقی ریجن میں شدید گرمی ہوگی۔
سب سے زیادہ درجہ حرارت 47 سینٹی گریڈ الاحسا، دمام اور حفر الباطن میں ہوگا جبکہ سب سے کم درجہ حرارت 15 سینٹی گریڈ السودۃ میں متوقع ہے۔
علاوہ ازیں موسمیات کے قومی مرکز کے مطابق بدھ کو مشرقی ریجن میں درجہ حرارت شدت اختیار کر گیا۔ آئندہ تین دن تک 50 سینٹی گریڈ تک رہنے کا امکان ہے۔
عاجل ویب سائٹ کے مطابق قومی مرکز کا کہنا ہے کہ جمعرات سے لے کر سنیچر تک مشرقی ریجن میں درجہ حرارت 48 سے 50 سینٹی گریڈ کے درمیان رہے گا۔