سعودی وزیر خزانہ سے کروشیا، انڈونیشیا اور انڈیا کے وزرا کی ملاقات

سعودی وزیر خزانہ محمد الجدعان نے بدھ کو ریاض میں زکوۃ، ٹیکس اور کسڈم کانفرنس کے دوران کروشیا کے ہم منصب مارکو پریموراک سے ملاقات کی ہے۔

محمد الجدعان نے ایکس اکاونٹ پر لکھا’ ملاقات میں دوطرفہ تعاون بڑھانے کے طریقوں کے ساتھ گلوبل اکانومی اور فنانس سے متعلق اہم امور پر تبادلہ خیال کیا۔‘

سعودی وزیر خزانہ سے انڈونیشی ہم منصب سری مولیانی اندراوتی اور انڈین وزیر مملکت برائے خزانہ پنکج چوھدری سے بھی ملاقات کی۔

علاوہ ازیں سعودی عرب نے کروشیا، کوسوو سمیت کئی ملکوں کے ساتھ ٹیکس اور کسٹم تعاون بڑھانے کےلیے کئی اہم معاہدوں پر دستخط کیے ہیں۔

معاہدوں پر دستخط ریاض میں زکوۃ، ٹیکس اور کسڈم کانفرنس کے دوران کیے گئے۔

واضح رہے ریاض میں ہونے والی کانفرنس میں 70 سے زائد ورکشاپس اور مذاکراتی سیشنز ہوئے جس میں 90 کے قریب مقامی اور عالمی اداروں کی اعلی شخصیات نے شرکت کی۔