اخبار 24 کے مطابق ایرانی حجاج کو عرعر بارڈر کراسنگ کے ذریعے ایران روانہ کیا جا رہا ہے۔
یاد رہے وزارتِ حج و عمرہ نے سعودی قیادت کی ہدایت پر عمل کرتے ہوئے مکہ اور مدینہ میں موجود ایرانی حجاج کی دیکھ بھال کے لیے ہنگامی بنیادوں پرآپریشن سینٹر قائم کیا ہے۔
مملکت میں موجود ایرانی حجاج کی بحفاظت واپسی تک ان کی دیکھ بھال اور ضروریات کو پورا کرنے کےلیے اقدامات کیے گئے ہیں۔
وزارت حج وعمرہ نے ایرانی حج مشن سے رابطہ کیا تاکہ حجاج کی بحفاظت واپسی کے عمل کو ممکن بنایا جا سکے۔
حجاج کے پہلے گروپ کو مدینہ ایئرپورٹ سے عرعر ایئرپورٹ پہنچایا گیا ہے (فوٹو: ایس پی اے)
وزارت نے ایرانی حکام کے ساتھ مل کر حجاج کی واپسی کا منصوبہ تیارکیا ہے جس کے تحت حجاج کو جدہ اور مدینہ منورہ ایئرپورٹس کے ذریعے سرحدی چیک پوسٹ عرعر تک منتقل کیا جا رہا ہے جہاں سے انہیں بری راستے کے ذریعے ایران روانہ کیا جائے گا۔
یاد رہے اس سال تقریبا 76 ہزار ایرانیوں نے فریضہ حج ادا کیا ہے، مملکت میں ان کے قیام، خدمات کی فراہمی اور ان کی روانگی تک دیکھ بھال کو یقینی بنایا جا رہا ہے۔
