متحدہ عرب امارات کے صدر شیخ محمد بن زاید آل نھیان سے پیرکو ابوظبی کے قصر الشاطی میں  شام کے صدر احمد الشرع نے ملاقات کی وہ امارات کے سرکاری دورے پر ہیں۔

امارات الیوم کے مطابق ملاقات میں دونوں ممالک کے مابین دوطرفہ تعلقات خاص کرترقیاتی و اقتصادی شعبوں میں اشتراکِ عمل کو بڑھانے کے امکانات پر تفصیلی طورپر تبادلہ خیال کیا گیا۔

اس موقع پر دونوں رہنماوں نے خطے کی تازہ ترین صورتحال اور باہمی دلچسپی کے علاقائی امور پر بھی بات چیت کی۔

مشرق وسطی میں امن ، سلامتی اوراستحکام کو فروغ دینے کی اہمیت کو اجاگر کیا۔

اماراتی صدر شیخ زاید نے شام اور اس کے عوام کی بھرپور حمایت جاری رکھنے کے حوالے سے اپنے موقف کا اعادہ کیا جو شام کی ترقی اور روشن مستقبل کے لیے معاون ثابت ہوں گے۔

شامی صدر نے اماراتی قیادت کا شکریہ ادا کرتے ہوئے شیخ محمد بن زاید کے شام اور عوام کے حوالے سے مخلصانہ جذبات کو سراہا۔