سعودی طلبا کی انڈیا میں انٹرنیشنل ایسٹرونومی اولمپیارڈ میں شرکت

سعودی طلبا کی ٹیم انڈیا میں منعقدہ انٹرنیشنل ایسٹرو نومی، ایسٹرو فزکس اولمپیارڈ 2025 میں شرکت کررہی ہے۔

سرکاری خبررساں ادارے ’ایس پی اے‘ کے مطابق 21 اگست تک جاری رہنے والے اولمپیارڈ میں 64 ملکوں کے سیکڑوں طلبا شریک ہیں۔

اولمپیارڈ میں مملکت کی نمائندگی پانچ طلبا کررہے ہیں، انہیں تربیتی سیشنز اور انتخابی مراحل کے بعد منتخب کیا گیا۔

 یہ اقدام کنگ عبدالعزیز اینڈ کمپینیئنز فاؤنڈیشن فار گفٹڈنیس اینڈ کریٹیویٹی، وزارت تعلیم اور سعودی سپیس  ایجنسی کے اشتراک سے مکمل کیا گیا۔

سعودی عرب نے گزشتہ سال پہلی مرتبہ اس اولمپیارڈ میں شرکت کی اور تین کانسی کے تمغے حاصل کیے۔

 اولمپیارڈ 20 برس سے کم عمر کے مڈل اور ہائی سکول کے طلبا کے لیے ایک سالانہ بین الاقوامی سائنسی مقابلہ ہے۔ اس کا آغاز 2007 میں تھائی لینڈ میں ہوا تھا، ہر ملک کی نمائندگی تین سے پانچ طلبا کی ٹیم کرتی ہے۔