خادم حرمین شریفین شاہ سلمان بن عبدالعزیز نے عرب، مسلم اور دوست ممالک کے ان رہنماؤں کا دلی شکریہ ادا کیا جنہوں نے صحت و عافیت کے حوالے سے نیک خواہشات کا اظہار کیا۔
سعودی کابینہ کا اجلاس منگل کو شاہ سلمان بن عبدالعزیز زیر صدارت ہوا ہے۔
مزید پڑھیں
سرکاری خبر رساں ایجنسی ایس پی اے کے مطابق شاہ سلمان بن عبدالعزیز نے گزشتہ دنوں متعدد قائدین کے ساتھ مذاکرات اور خطوط کے متن سے کابینہ کے ارکان کو آگاہ کیا اور بتایا کہ امیر کویت شیخ نواف الاحمد الجابر الصباح کے نام مکتوب ارسال کیا اور برونڈی کے صدر کا مکتوب موصول ہوا ہے۔
قائم مقام وزیر اطلاعات ڈاکٹر ماجد القصبی نے اجلاس کے بعد ایس پی اے کو بتایا کہ کابینہ نے امارات کے رہنما شیخ خلیفہ بن زاید آل نہیان کی وفات پرانتہائی دکھ کا اظہار کیا۔
سعودی کابینہ نے شیخ محمد بن زاید آل نہیان کو برادرملک متحدہ عرب امارات کا سربراہ منتخب کیے جانے پر مبارکباد دی اور اس خواہش کا اظہار کیا کہ’ وہ سعودی عرب اورامارات اور دونوں برادر ممالک کے عوام کے درمیان اخوت و محبت کے رشتے مستحکم سے مستحکم تر بناتے رہیں گے۔ جی سی سی ممالک کے درمیان تعلقات کے استحکام کا مشن جاری رکھیں گے‘۔
کابینہ نے اس عزم کا اظہار کیا کہ ’سعودی عرب عالمی امن و سلامتی کے استحکام کے لیے کوشاں تھا، ہے اور رہے گا۔ خطے اور اس کی اقوام کی صلاح و فلاح اور ترقی و استحکام کا مشن ماضی کی طرح جاری رکھیں گے‘۔
سعودی کابینہ نے دہشت گرد تنظیم داعش کے حوالے سے روایتی موقف کا اعادہ کرتے ہوئے مراکش میں ہونے والےعالمی اتحاد کے وزارتی اجلاس کے موقف کی بھرپور حمایت کی۔ سعودی عرب، عراق کے استحکام اور اس کے ہر حصے پر ریاستی اقتدار اوراثر و نفوذ دیکھنا چاہتا ہے۔ شام کے آزاد شدہ علاقوں میں معاشی صورتحال اور پائدارامن وامان کا خواہشمند ہے۔
#فيديو_واس | #مجلس_الوزراء يعقد جلسته ـ عبر الاتصال المرئي ـ، برئاسة #خادم_الحرمين_الشريفين الملك سلمان بن عبدالعزيز آل سعود حفظه الله.#واس
— واس الأخبار الملكية (@spagov) May 17, 2022