اوپو کی جانب سے اوپو ایف 3 پلس اسمارٹ فون کو 6 جی بی ریم کے ساتھ متعارف کروا دیا گیا ہے۔اسمارٹ فون میں 6 انچ ایچ ڈی ڈسپلے ،گلاس پروٹیکشن ، آکٹا کور کالکوم اسنیپ ڈریگون 653 پراسیسر ، اینڈرائڈ مارش میلو آپریٹنگ سسٹم، 6 جی بی ریم کے ساتھ 64 جی بی اسٹوریج دیا گیا ہے ۔اسٹوریج کو ایس ڈی کارڈ کی مدد سے 256 جی بی تک بڑھایا جا سکتا ہے۔فون کے کیمرہ سیٹ اپ میں ایل ای ڈی فلیش کے ساتھ 16 میگا پکسل کا بیک کیمرہ اور 16 اور 8 میگا پکسل کے دو فرنٹ کیمرے دیے گئے ہیں۔کنیکٹیوٹی کے لئے فون میں 4 جی ، وائی فائے ، بلیوتوتھ ، آڈیو جیک ، یو ایس بی اور جی پی ایس سپورٹ دی گئی ہے۔اسمارٹ فون کی بیٹری 4000 ملی ایمپئر آورز کی ہے۔فون کی قیمت 22990 ہندوستانی روپے ہے اور اسے 16 نومبر سے فروخت کے لئے پیش کیا جائے گا۔
