کویت میں جھگڑا ہونے پر ملازمہ کو فائرنگ سے زخمی کر دیا

کویتی شہری نے اپنی ملازمہ کے سر پر فائرنگ کرکے اسے زخمی کردیا- علاج کے لیے اسے ہسپتال میں داخل کردیا گیا-

عاجل ویب سائٹ کے مطابق کویتی میڈیا نے اس کی اطلاع دیتے ہوئے کہا کہ الاحمدی کے علاقے میں ایک کویتی شہری اور اس کی ملازمہ کے درمیان گھر میں جھگڑا ہوگیا تھا- جھگڑا کیوں ہوا؟ اس حوالے سے کوئی تفصیل سامنے نہیں آئی- کویتی شہری ملازمہ کے ساتھ نوک جھونک کے دوران طیش میں آگیا اور اس نے پستول نکال کر اس کے سر پر فائرنگ کردی-

کویتی میڈیا کا کہنا ہے کہ ملازمہ کے سر سے خون بہنے لگا - اسے علاج کے لیے ہسپتال میں داخل کردیا گیا-

کویتی پولیس نے ملازمہ کے  سر پر وار کرنے والے شہری کو گرفتار اور فائرنگ میں استعمال ہونے والا پستول قبضے میں لے لیا ہے-

خود کو اپ ڈیٹ رکھیں، واٹس ایپ گروپ جوائن کریں