پاکستان اور زمبابوے کے درمیان پہلا ون ڈے 30 اکتوبر کو کھیلا جائے گا۔
پاکستان اورزمبابوےکےدرمیان دوسرا ون ڈے یکم نومبر اور تیسرا ون ڈے تین نومبر کو کھیلا جائےگا۔
پاکستان کرکٹ بورڈ کے شیڈول کے مطابق تینوں ایک روزہ میچ راولپنڈی کرکٹ سٹیڈیم میں کھیلے جائیں گے۔ تینوں میچز پاکستانی وقت کے مطابق صبح 10 بجے شروع ہوں گے۔
ٹی ٹوئنٹی میچز لاہور قذافی سٹیڈیم میں سات نومبر، آٹھ نومبر اور 10 نومبر کو کھیلے جائیں گے۔ تینوں میچ پاکستانی وقت کے مطابق دوپہر دو بجے شروع ہوں گے۔
خیال رہے پاکستان نے زمبابوے کے خلاف سیریز کے لیے پیر کو 22 رکنی سکواڈ کا اعلان کیا تھا۔
پاکستان اورزمبابوےکےدرمیان دوسرا ون ڈے یکم نومبر اور تیسرا ون ڈے تین نومبر کو کھیلا جائےگا۔ (فوٹو: پی سی بی)
پاکستان کی ٹیم میں فخر زمان، حارث سہیل، خوشدل شاہ، محمد حفیظ، محمد رضوان، عبداللہ شفیق، عابد علی، بابر اعظم، حیدر علی، افتخار احمد شامل ہیں۔
ممکنہ سکواڈ کے اعلان کے موقع پر میڈیا نمائندوں سے گفتگو کرتے ہوئے مصباح الحق کا کہنا تھا کہ پچاس اوورز پر مشتمل فارمیٹ میں تجربہ کار کھلاڑیوں اور ٹی ٹونٹی انٹرنیشنل میچوں میں نوجوان کھلاڑیوں کو موقع دینے کی غرض سے اسکواڈ کا انتخاب کیا ہے۔
