Sorry, you need to enable JavaScript to visit this website.

 بارہ سے اٹھارہ برس کے افراد بھی عمرے کے لیے پہنچنے لگے

ویکسین کی دو خوراکیں لینے والوں کو اجازت نامے جاری کیے جا رہے ہیں( فوٹو ایس پی اے)
سعودی عرب میں بارہ سے اٹھارہ برس کے افراد بھی عمرے کے لیے مسجد الحرام پہنچنے لگے ہیں۔
حرمین شریفین انتظامیہ نے اپنے ٹوئٹر اکاؤنٹ پر بارہ  سے اٹھارہ برس  کے افراد کی تصاویر اور وڈیو شیئر کی ہیں۔
وڈیو کلپ میں انتظامیہ کے اہلکار عمرے کے لیے آنے والوں کا خیر مقدم کر رہے ہیں۔ علاوہ ازیں انہیں کورونا ایس او پیز کی پابندی کی اہمیت سے بھی آگاہ کیا جا رہا ہے۔
یاد رہے کہ مسجد الحرام، مسجد نبوی، روضہ شریفہ میں نماز اور عمرے کی ادائیگی  کے لیے ویکسین کی دو خوراکیں لینے والوں کو اجازت نامے جاری کیے جا رہے ہیں۔
سعودی وزارت حج وعمرہ کا کہنا ہے کہ کہ ویکسین کی دونوں خوراکیں لینے والے بارہ سے اٹھارہ برس کے داخلی افراد بھی اب عمرے کے لیے اعتمرنا اور توکلنا ایپس کے ذریعے عمرہ اجازت نامے حاصل کر سکتے ہیں۔
 اندرون ملک سے عمرہ، مسجد نبوی کی زیارت، مسجد الحرام میں نماز کے اجازت ناموں کے اجرا کے لیے ویکسین شرط ہے۔ 
 

شیئر: