سعودی وزارت داخلہ نے کہا ہے کہ ’تبوک ریجن میں 10 لاکھ 56 ہزار 162 نشہ آور گولیاں سمگل کرنے کی کوشش ناکام بنائی گئی ہے‘۔
نشہ آور گولیاں مہارت کے ساتھ پلاسٹک کے ڈرمز میں چھپا کرلائی جارہی تھیں۔
عاجل ویب سائٹ کے مطابق وزارت داخلہ نے ٹوئٹر پر ایک وڈیو کلپ شیئر کیا ہے جس میں دکھایا گیا کہ’ سرحدی محافظوں کا گشتی دستہ تبوک ریجن میں سمگلروں سے قبضے سے منشیات برآمد کر رہا ہے‘۔
إحباط محاولة تهريب (1,056,162) قرص إمفيتامين مخدر في منطقة تبوك، مخبأة في براميل بلاستيكية.#الحرب_على_المخدرات#واس_عام pic.twitter.com/r5iXN8WZmo
— واس العام (@SPAregions) February 9, 2022
وزارت داخلہ نے بیان میں کہا کہ ’ سمگلنگ کرنے والوں کے خلاف قانونی کارروائی مکمل کرلی۔ ضبط شدہ نشہ آور گولیاں متعلقہ ادارے کے حوالے کی گئی ہیں‘۔
ایس پی اے کے مطابق مکہ ریجن پولیس کے ترجمان نے کہا ہے کہ ’جدہ ٹریفک کے اہلکاروں نے مقامی شہری کے قبضے سے 9.2 کلو گرام حشیش ضبط کی ہے‘۔
مقامی شہری کو شبے پر روکا گیا ۔ تلاشی لی گئی تو اس کے قبضے سے حشیش برآمد ہوئی۔
