امارات میں کورونا کے 244 نئے مریض، کوئی ہلاکت نہیں ہوئی
چوبیس گھنٹے میں کورونا کے ایک لاکھ 92 ہزار ٹیسٹ کیے گئے(فائل فوٹو اے ایف پی)
متحدہ عرب امارات میں کورونا کے نئے کیسز میں کمی کا سلسلہ جاری ہے۔ پچھلے چوبیس گھنٹے میں 244 نئے مریض سامنے آئے ہیں۔
وزارت صحت کے مطابق منگل 5 اپریل کو گذشتہ چوبیس گھنٹے کے دوران کورونا کے ایک لاکھ 92 ہزار 574 ٹیسٹ کیے گئے۔
امارات کے سرکاری خبر رساں ادارے ’وام‘ نے وزارت صحت کے حوالے سے بتایا کہ’ نئے کیسز کے بعد متاثرین کی کل تعداد 8 لاکھ 92 ہزار 714 تک پہنچ گئی ہے‘۔
بیان میں کہا گیا کہ ’گذشتہ 24 گھنٹوں کے دوران 441 افراد صحت یاب ہوئے ہیں۔ صحت یاب ہونے والوں کی تعداد بڑھ کر8 لاکھ 71 ہزار55 ہوگئی ہے۔‘
’ گزشتہ ایک ہفتے میں کورونا کے زیرعلاج مریضوں میں سے کوئی ہلاکت نہیں ہوئی، مرنے والوں کی کل تعداد دو ہزار302 ہے‘۔
علاوہ ازیں وزارت صحت نے بیان میں کہا کہ ’گذشتہ 24 گھنٹوں کے دوران کورونا ویکسین کی مزید 6 ہزار861 خوراکیں دی گئی ہیں۔ اب تک 2 کروڑ 45 لاکھ 65 ہزار 592 خوراکیں دی جاچکی ہیں۔
دبئی میں رمضان کے دوران دفاتر کے اوقات کیا ہوں گے؟Node ID: 655246
امارات میں استقبال رمضان کے انتظامات مکمل، تمام مساجد میں تراویحNode ID: 657931
