شقرہ کمشنری کی دکان میں 45 ہزار ریال کی ڈکیتی، شہری گرفتار

سعودی عرب میں پولیس نے شقرہ کمشنری کی ایک دکان میں ڈکیتی میں ملوث مقامی شہری کو گرفتار کیا ہے جو 45 ہزار ریال لوٹ کر فرار ہو گیا تھا۔

سبق ویب کے مطابق دکان پر ڈکیتی کی ویڈیو وائرل تھی۔ سی سی  ٹی وی کیمرے نے واردات کے مناظر ریکارڈ کیے۔

پولیس نے ملزم کو تلاش کرکے حراست میں لے لیا۔ اس کا بیان بھی ریکارڈ کرلیا گیا۔

بیان میں کہا گیا کہ ’ملزم مقامی شہری ہے، اس نے ڈکیتی کا اعتراف کیا ہے۔ لوٹی جانے والی رقم بازیاب کرلی گئی۔‘

پولیس نے قانونی کارروائی کے بعد ملزم کو پبلک پراسیکیوشن کے حوالے کر دیا ہے۔