لبنان نے سعودی عرب کے تعاون سے کوکین سمگل کرنے کی کوشش کو ناکام بنایا
125 کلو گرام کوکین ویجیٹیبل آئل کنٹینرز کی شپمنٹ میں چھپئی گئی تھی (فائل فوٹو: اے ایف پی)
لبنانی حکام نے سعودی وزارت داخلہ کی مدد سے 125 کلو گرام کوکین سمگل کرنے کی کوشش کو ناکام بنایا ہے۔
ایس پی اے کے مطابق وزارت داخلہ کے سیکیورٹی ترجمان بریگیڈیئر جنرل طلال شلہوب نے ایک بیان میں کہا لبنانی حکام نے سعودی وزارت داخلہ کی فراہم کردہ معلومات پر کارروائی کی۔
منشیات کی سمگلنگ کے نیٹ ورکس کی نگرانی کے دوران منشیات سمگل کرنے کی کوشش ناکام بنائی گئی، کوکین کو ویجیٹیبل آئل کنٹینرز کی شپمنٹ میں چھپایا گیا تھا۔
ترجمان کا کہنا تھا’ سعودی عرب‘ منشیات کے ذریعے مملکت کی سکیورٹی، اس کے نوجوانوں اور دوست ملکوں کو ہدف بنانے والی مجرمانہ سرگرمیوں کی نگرانی، ان کا مقابلہ اور انہیں ناکام بنانے کا سلسلہ جاری رکھے ہوئے ہے۔
