دبئی سمیت تین مقامات پر تعینات نئے سعودی قونصل جنرل نے حلف اٹھا لیا

متحدہ عرب امارات، چین اور مصر میں نئے تعینات ہونے والے تین نئے سعودی قونصل جنرل نے حلف اٹھا لیا۔

ایس پی اے کے مطابق نئے سفارتکاروں نے پیر کو  ریاض میں وزارت کے ہیڈکوارٹر میں سعودی وزیر خارجہ شہزادہ فیصل بن فرحان کے سامنے حلف اٹھایا۔

ایس پی اے کے مطابق علی الحجی المعین کو چین کے شہر گوانگزو، عبداللہ آل داود مں مصر کے شہر الاسکندریہ اور ڈاکٹر مشعل الغامدی کو دبئی میں قونصل جنرل مقرر کیا گیا ہے۔

نئے قونصل جنرل نے حلف اٹھاتے ہوئے کہا کہ’ وہ اپنے دین، اپنے بادشاہ اور وطن کے ساتھ مخلص رہیں گے۔ ریاست کا کوئی راز فاش نہیں کریں گے۔ ریاستی مفادات اور قوانین کا اندرون اور بیرون ملک تحفظ اور اپنے فرائض سچائی، ایماندار اور اخلاص سے انجام دیں گے۔‘

 تقریب میں معاون وزیر خارجہ برائے ایگزیکٹیو امورعبدالہادی المنصوری اور وزارت خارجہ کے انڈر سیکرٹری برائے پروٹوکول امورعبدالمجید السماری نے شرکت کی۔