ویمنز ٹینس ایسوسی ایشن فائنلز کی قرعہ اندازی، ٹورنامنٹ کا آغاز سنیچر سے ہوگا

سعودی ٹینس فیڈریشن کی جانب سے دارالحکومت ریاض میں ویمنز ٹینس ایسوسی ایشن (ڈبلیو ٹی اے) فائنلز کے قرعہ اندازی کی تقریب منعقد ہوئی ہے۔

سبق ویب سائٹ کے مطابق سعودی وزارت کھیل اور پبلک انویسٹمنٹ فنڈ کی سرپرستی میں چیمپئن شپ یکم سے آٹھ نومبر تک کنگ سعود یونیورسٹی کے انڈور ہال میں منعقد ہوگی۔

قرعہ اندازی کے نتیجے میں سنگلز کیٹیگری میں دو گروپس تشکیل دیے گئے ہیں، پہلا گروپ ’سٹیفنی گراف‘ کہلایا ہے جس میں بیلاروس کی ارینا سابالینکا، امریکہ کی کوكو گوف اور جیسیکا پیغولا اور اٹلی کی جاسمین پاؤلینی شامل ہیں۔

جبکہ دوسرا گروپ ’سیرینا ولیمز‘ کے نام سے موسوم ہے جس میں پولینڈ کی ایگا شفیونتيك، امریکہ کی امانڈا انیسيمووا اور میڈیسن كيز اور قازقستان کی ایلینا ریباكینا شامل ہیں۔

ڈبلز کیٹیگری میں بھی دو گروپس بنائے گئے ہیں، پہلا گروپ ’لیزل ہوبر‘ کہلایا ہے جس میں چار ٹیمیں شامل ہیں۔

جبکہ دوسرا گروپ ’مارٹینا ناوراتیلوفا‘ کہلایا ہے اور اس میں بھی چار ٹیمیں شامل ہیں۔

یہ بات قابلِ ذکر ہے کہ یہ چیمپئن شپ سعودی عرب میں دوسری بار منعقد کی جا رہی ہے اور اس کی مجموعی انعامی رقم 15 ملین امریکی ڈالر سے زیادہ ہے۔