سعودی عرب اور قازقستان میں سکیورٹی تعاون بڑھانے کا جائزہ
جمعرات 18 دسمبر 2025 18:19
سعودی وزیر داخلہ سے ریاض میں قازقستان کے ہم منصب نے ملاقات کی ہے (فوٹو: ایس پی اے)
سعودی وزیر داخلہ شہزادہ عبدالعزیز بن سعود بن نایف نے جمعرات کو ریاض میں وازرت کے ہیڈ کوارٹر میں قازقستان کے وزیرامور داخلہ کا خیرمقدم کیا۔
سرکاری خبر رساں ایجنسی ایس پی اے کے مطابق ملاقات میں مشترکہ دلچسپی کے متعدد امور کے علاوہ سعودی عرب اور قازقستان کی وزارت داخلہ کے درمیان سکیورٹی تعاون بڑھانے کے طریقوں پر تبادلہ خیال کیا گیا۔
اس موقع پر نائب وزیر داخلہ ڈاکٹر عبدالعزیز بن محمد بن عیاف، وزارت داخلہ کے انڈر سیکرٹری ڈاکٹر خالد بن محمد البتال، اور محکمہ امن عامہ کے ڈائریکٹر لیفٹیننٹ جنرل محمد بن عبداللہ البسامی اور دیگر عہدیدار بھی موجود تھے۔
