مکہ ریجن کے علاقے اللیث سے 25 ناٹیکل میل دور واقع، جزیرہ مرمر ایک مربع کلومیٹر کا ماحولیاتی مرکز اور بحیرۂ احمر کا ’سرسبز پھیپھڑا‘ ہے۔

یہاں گھنے مینگرووز کے درخت اور نمک جذب کرنے والی جھاڑیاں موجود ہیں۔ یہ جزیرہ کاربن کم کرنے، پانی صاف کرنے اور ساحل کو محفوظ رکھنے میں مدد دیتا ہے۔

سعودی پریس ایجنسی ایس پی اے کے مطابق جزیرے کے اردگرد پانی کی گہرائی 350 میٹر سے زیادہ ہے لیکن کنارے کم گہرے ہیں۔

یہاں خوبصورت مونگے کی چٹانیں مچھلیوں اور دیگر سمندری جانداروں کو خوراک فراہم کرتی ہیں۔ یہ جگہ پرندوں کے گھونسلے اور سمندری کچھوؤں کے لیے محفوظ پناہ گاہ بھی ہے، اس لیے یہ علاقے کی حیاتیاتی زندگی کے لیے بہت اہم ہے۔

جزیرہ مرمر  قدرتی تحفظ اور پائیدار ترقی کو متوازن رکھنے کی ایک عملی مثال ہے۔

اپنے صاف ستھرے ماحول کو محفوظ رکھ کر، یہ جزیرہ سائنسی تحقیق اور ذمہ دار ماحول دوست سیاحت کے لیے بہترین مواقع فراہم کرتا ہے اور یہ قومی اہداف کے مطابق قدرتی وسائل کی حفاظت اور ماحول دوست معیشت کو بڑھانے میں مددگار ہے۔