مسجد الحرام اور مسجد نبوی میں رمضان کی پہلی تراویح، لاکھوں افراد کی شرکت

مسجد الحرام اور مسجد نبوی میں منگل کو لاکھوں مسلمانوں نے رمضان کی پہلی شب عشاء اور تراویح کی نمازیں باجماعت ادا کیں۔

مقامی شہری، مقیم غیر ملکی اور دنیا بھر سے آئے ہوئے عمرہ زائرین عشاء اور تراویح کی ادائیگی کے لیے پہلے سے مسجد الحرام پہنچ چکے تھے۔

حرمین شریفین انتظامیہ نے زائرین کے استقبال کی تمام تیاریاں مکمل کر رکھی تھیں، جس میں آب زم زم کی فراہمی اور مسجد الحرام کو معطر کرنے کا انتظام بھی شامل تھا۔

حرمین شریفین جنرل اتھارٹی نے ماہ رمضان کے لیے جامع آپریشنل پلان تیار کرنے کا اعلان کیا ہے۔

جس کا مقصد خدمات کے معیار اور آپریشنل کارکردگی کو بہتر بنانا، ساتھ ہی حرمین شریفین میں سیفٹی اور ریلائبیلٹی کے اعلیٰ ترین معیارات کو یقینی بنانا ہے۔

 مسجد الحرام میں پانچ زبانوں میں ڈیجیٹل آگاہی سکرینز فعال کر دی گئی ہیں۔

گراؤنڈ یونٹس مختلف مقامات پر تعینات کیے گئے ہیں، جن کے پاس فوری ترجمہ کرنے والی ڈیوائسز موجود ہیں تاکہ زائرین کی بات کو سمجھ کر انہیں درست رہنمائی اور مدد فراہم کی جا سکے۔