سعودی عرب میں منگل 17 فروری کو رمضان کا چاند نظر آگیا ہے، بدھ 18 فروری کو پہلا روزہ ہوگا۔
سرکاری خبر رساں ایجسنی ایس پی اے کے مطابق سعودی سپریم کورٹ نے بیان میں کہا کہ’ بدھ 18 فروری 2026 کو رمضان المبارک کا پہلا روزہ ہے۔‘
یاد رہے سعودی عرب کی سپریم کورٹ نے مملکت میں تمام مسلمانوں سے منگل 17 فروری کی شام رمضان المبارک کا چاند دیکھنے کی اپیل کی تھی۔
بیان میں درخواست کی گئی تھی کہ ’جو کوئی بھی چاند ننگی آنکھ یا دوربین سے دیکھنے کی کوشش کرے، وہ قریب ترین عدالتی مرکز میں اپنی گواہی ریکارڈ کرائے۔‘
یاد رہے منگل 17 فروری کو ام القری کلینڈر کے مطابق 29 شعبان تھی۔
