سعودی وزارت دفاع کے سرکاری ترجمان میجر جنرل ترکی المالکی نے کہا کہ ریاض میں امریکی سفارت خانے کو دو ڈرونز کے ذریعے نشانہ بنایا گیا، ابتدائی جائزے کے مطابق حملے میں عمارت میں محدود آگ اور معمولی نقصان پہنچا۔
اس سے قبل سعودی وزارت دفاع کے ترجمان نے پیر کو پرنس سلطان ایئر بیس کے قریب پانچ معاندانہ ڈرونز کو فضاء میں ہی روکنے اور انہیں تباہ کرنے کا اعلان کیا۔
ترجمان نے اس بات کی بھی تصدیق کی تھی کہ دمام کے قریب راس تنورہ ریفائنری کو نشانہ بنانے کی کوشش کرنے والے دو ڈرونز کو کامیابی سے ناکارہ بنا دیا گیا ہے۔
ان کارروائیوں کے نتیجے میں کسی قسم کا جانی نقصان نہیں ہوا البتہ انہوں نے بتایا کہ ڈرونز کا ملبہ گرنے کی وجہ سے ریفائنری کے اندر معمولی آگ لگ گئی تھی جس پر فوری طور پر قابو پا لیا گیا۔
