پاکستان کے صوبہ خیبرپختونخوا کے گورنر فیصل کریم کنڈی نے پاکستان میں سعودی عرب کے سفیر نواف بن سعید المالکی سے ملاقات کی ہے۔
سعودی سفارت خانے کے مطابق ملاقات کے دوران دونوں شخصیات کے مابین دوستانہ ماحول میں بات چیت ہوئی۔
بیان کے مطابق ’اس ملاقات کے دوران دونوں ممالک کے درمیان مشترکہ تعاون کے مختلف پہلوؤں پر غور کیا گیا اور باہمی تعاون کو مزید بڑھانے کے طریقوں پر تبادلہ خیال کیا گیا۔‘
