ابوظبی: ٹریفک حادثے میں معذور ڈرائیور کے لیے ڈیڑھ لاکھ درہم

متحدہ عرب امارات میں ابوظبی اپیل کورٹ نے ہوم ڈلیوری سروس ڈرائیور کو انشورنس کمپنی سے ڈیڑھ لاکھ درہم معاوضہ دلانے کا حکم جاری کیا ہے۔ ٹریفک حادثے میں ڈرائیور مستقل بنیادوں پر معذور ہوگیا تھا۔ 

الامارات الیوم ن کے مطابق ہوم ڈلیوری ڈرائیور ٹریفک حادثے کا شکار ہوگیا تھا۔ اس کے جسم کا نچلا حصہ مستقل طور پر مفلوج ہوگیا تھا۔ 

ڈرائیور نے ابوظبی کی پرائمری کورٹ میں انشورنس کمپنی کے خلاف دعوی دائر کیا تھا اور درخواست کی تھی کہ مدعا علیہا سے اسے ایک لاکھ بیس ہزار درہم کا معاوضہ دلایا جائے۔ مطالبہ یہ بھی تھا کہ مقدمے کے اخراجات اور وکیل کا محنتانہ بھی انشورنس کمپنی ادا کرے۔ 

پرائمری کورٹ نے ڈرائیور کے حق میں فیصلہ دے دیا تھا تاہم انشورنس کمپنی نے عدالت کا فیصلہ تکنیکی بنیادوں پر مسترد کردیا۔

معاملہ دوسریعدالت کو بھیجا گیا جس نے ڈرائیور کو ڈیڑھ لاکھ درہم معاوضے کا فیصلہ سنادیا۔

اسی دوران انشورنس کمپنی نے اپیل کورٹ سے رجوع کرکے 45 ہزار درہم معاوضے کا فیصلہ جاری کرنے کی درخواست کی۔ اپیل کورٹ نے فریقین کے وکلا  سے تفصیلات سن کر اورسابقہ عدالت کے فیصلے کو مدنظر رکھ کر ڈیڑھ لاکھ درہم معاوضے سے متعلق عدالتی فیصلے کی توثیق کردی۔

امارات کی خبروں کے لیے ”اردو نیوز یو اے ای“ گروپ جوائن کریں