جلد پر چنبل اور خارش کی وجوہات کیا ہیں؟

جلد پر چنبل اور خارش ایک تکلیف دہ مسئلہ ہے۔ یہ جلد کے اوپر بنتی ہے اور چھوٹے چھوٹے سرخ دانوں کی شکل اختیار کرلیتی ہے، جس کی وجہ سے جلد پر خارش ہونا شروع ہو جاتی ہے۔

اگرچہ یہ ایک عام سی بیماری تصور کی جاتی ہے لیکن بعض اوقات یہ کسی اندورنی بیماری کی بھی نشاندہی کرتی ہے۔

یہ عموماً خون میں خرابی یا معدے کی گرمی کی وجہ سے ہوتی ہے، تاہم بعض دفعہ اس کی وجوہات کا پتہ نہیں چل پاتا۔

سیدتی میگزین میں شائع ہونے والی ایک تحقیق کے مطابق چنبل کی بیماری عموماً 15 سے 20 فیصد افراد کو زندگی میں ایک یا ایک سے زائد بار ہوتی ہے۔ خواتین مردوں کے مقابلے میں اس سے زیادہ متاثر ہوتی ہیں۔

چنبل کی بیماری بچوں اور نوجوانوں دونوں کو متاثر کرتی ہے۔ یہ 20 سال سے 40 سال کی عمر کے افراد کو لگتی ہے۔

اگر یہ چھ ہفتوں تک رہے تو اسے سخت بیماری تصور کیا جاتا ہے اور چھ ہفتوں سے بڑھ جائے تو اسے دائمی بیماری کہا جاتا ہے۔

این سی بی آئی کے مطابق چنبل کی ممکنہ وجوہات اور علاج یہ ہیں۔

دائمی چنبل الرجی کی تشخیص

اکثر اوقات دائمی چنبل کی الرجی کی وجوہات کا تعین مشکل ہوتا ہے، یعنی دانوں اور جلد پر بننے والی چنبل کا سبب معلوم نہیں ہوسکتا۔ اس کے باوجود مریض کی حالت اور چیک اپ کرنے کے بعد اس کی وجوہات کا تعین کیا جا سکتا ہے۔

اس کے علاہ طبی معائنے کے نتیجے میں بھی چنبل کی وجوہات کا پتہ چل سکتا ہے۔

دائمی چنبل الرجی کا علاج

سب سے پہلے دائمی چنبل کی وجہ جاننا ضروری ہے کیونکہ اکثر یہ الرجی کی وجہ سے نہیں ہوتی ہے۔

ڈاکٹروں کے مطابق اس کا محفوظ اور موثر علاج دستیاب ہے۔ دائمی چنبل پیدا کرنے والے عوامل کی شناخت کے بعد اسے کئی طریقوں سے ختم کیا جا سکتا ہے۔

اسپرین، نان سٹراوئیڈل اینٹی انفلیمیٹری ڈرگز اور کوڈین کے ساتھ علاج ہو سکتا ہے۔

مسئلے سے نجات پانے کے لیے یہ بھی ضروری ہے کہ جسم کو زیادہ سردی اور گرمی سے ہر ممکن طور پر بچائیں۔