معروف امریکی گلوکارہ و اداکارہ جنیفر لوپیز کی بیس بال کھلاڑی ایلکس روڈریگوی سے منگنی ٹوٹ گئی ہے۔
خبر رساں ادارے اے ایف پی نے امریکی میڈیا کے حوالے سے کہا ہے کہ 51 سالہ امریکی گلوکارہ کی 45 سالہ معروف بیس بال کھلاڑی سے منگنی ٹوٹ گئی ہے۔
جنیفر لوپیز اور ایلکس روڈریگوی کی دو سال قبل منگنی ہوئی تھی جبکہ جوڑے نے گزشتہ سال میامی شہر میں چار کروڑ ڈالر کی مالیت کا گھر خریدا تھا۔
جنيفر لوپیز اور ایلکس میں سے کسی نے بھی فی الحال علیحدگی کی تصدیق نہیں کی ہے۔
جنیفر لوپیز آج کل لاطینی امریکہ کے ملک ڈومینیکن ریپبلک میں جاری ایک فلم کی شوٹنگ میں مشغول ہیں۔
جمعرات کے روز جنيفر نے ڈومینیکن ریپبلک سے ٹوئٹر اکاؤنٹ پر اپنی ہنستے ہوئے ایک ویڈیو پوسٹ کی تھی جس کے ساتھ گلوکارہ نے لکھا تھا کہ ’آج ہنسنے کے لیے کوئی اچھی وجہ تلاش کریں۔‘
Find a good reason to laugh today Sending everyone love #TBT : https://t.co/Rrh3NIuI3B pic.twitter.com/uJ9CJIPiPW
— jlo (@JLo) March 11, 2021