حوثیوں کا ایک اور حملہ ناکام، عرب اتحاد نے ڈرون تباہ کردیا

عرب اتحاد برائے یمن نے بدھ کی رات حوثیوں کے ایک اور حملے کو ناکام بنایا ہے۔

حوثی ملیشا کی جانب سے خمیس مشیط کی جانب بھیجے گے بارودی ڈرون کو راستے میں روک کر تباہ کردیا گیا۔

سرکاری خبر رساں ااجنسی ایس پی اے کے مطابق عرب اتحاد نے بیان میں کہا کہ بین الاقوامی قانون کے تحت شہریوں اور شہری تنصیبات کے تحفظ کے لی عملی آپریشنل اقدامات کیے جا رہے ہیں۔

یاد رہے کہ گزشتہ روز عرب اتحاد نے خمیس مشیط پر حوثیوں کے تین حملے ناکام بنائے تھے۔

اس سے قبل عرب اتحاد برائے یمن نے الصلیف میں حوثی ملیشیا کی جانب سے حملے کی کوشش قبل ازوقت کارروائی کرکے ناکام بنائی۔ دو بارود بردار بوٹس کو تباہ کیا گیا۔

الاخباریہ اور ایس پی اے کے مطابق عرب اتحاد نے بتایا کہ حوثی الحدیدۃ سے جارحانہ حملے کرکے سٹاکہوم معاہدے کی خلاف ورزی کررہے ہیں۔