سعودی طلبا کی ٹیم انڈیا ممبئی میں منعقدہ انٹرنیشنل ایسٹرونومی، ایسٹرو فزکس اولمپیارڈ 2025 میں گزشتہ برس کے کامیاب ڈبییو کو آگے بڑھانے کےلیے پرعزم ہے۔

ممبئی میں11 سے 21 اگست تک جاری رہنے والے اولمپیارڈ میں 64 ملکوں کے 320 طلبا شریک ہیں۔

 یہ اقدام کنگ عبدالعزیز اینڈ کمپینیئنز فاؤنڈیشن فار گفٹڈنیس اینڈ کریٹیویٹی(موھبہ) نے وزارت تعلیم اورسعودی سپیس ایجنسی کے اشتراک سے مکمل کیا جو سائنس، ٹیکنالوجی، انجیئرنگ اورمیتھس میں نوجوانوں کے ٹیلنٹ کو فروغ دینے کےلیے ایک غیرمنافع بخش ادارہ ہے۔

موھبہ میں ایسٹرو نومی اورسپیس پروگرام کے نگراں طلال داود نے عرب نیوز کو بتایا’ اس سال پانچ طلبا کو ایک سال کے دوران انتہائی سخت انتخابی مراحل کے بعد سعودی عرب کی نمائندگی کےلیے منتخب کیا گیا۔‘

 اولمپیارڈ 20 برس سے کم عمر کے مڈل اور ہائی سکول کے طلبا کے لیے ایک سالانہ بین الاقوامی سائنسی مقابلہ ہے۔ اس کا آغاز 2007 میں تھائی لینڈ میں ہوا تھا۔

سعودی عرب نے گزشتہ سال پہلی مرتبہ اس اولمپیارڈ میں شرکت کی اور تین کانسی کے تمغے حاصل کیے۔

طلال داود کا کہنا تھا ’ مملکت میں سائنسی اولمپیارڈ ہائی سکول کے طلبا کے لیے اہم ہیں اور پوڈیم پر سعودی پرچم بلند کرنے کےلیے مقابلہ کرتے ہیں۔