شاہ سلمان مرکز کی جانب سے پنجاب کے سیلاب زدگان کو ہنگامی امداد کی فراہمی

کنگ سلمان ہیومینیٹیرین ایڈ اینڈ ریلیف سینٹر کی جانب سے حالیہ تباہ کن سیلاب سے متاثر ہونے والے خاندانوں کی مدد کے لیے برے پیمانے پر ہنگامی ریلیف قافلہ روانہ کیا ہے۔ 

اس سامان کی تقسیم سب سے زیادہ متاثرہ اضلاع میں شروع کر دی گئی ہے، جن میں قصور، جلالپور (ملتان)، علی پور (مظفرگڑھ)، لیاقت پور (رحیم یار خان)، راجن پور اور بہاولنگر شامل ہیں۔

ان علاقوں میں ہزاروں مستحق خاندانوں کو غذائی پیکج اور نان فوڈ آئٹم کٹس فراہم کی جا رہی ہیں۔

کنگ سلمان ریلیف سینٹر نے اس امدادی کارروائی کے لیے 10 ہزار نان فوڈ آئٹم کٹس اور 10 ہزار فوڈ پیکجز مختص کیے گئے ہیں۔

ہر شیلٹر کٹ میں ایک خیمہ، سولر پینل بمعہ ایل ای ڈی لائٹس، دو تھرمل کمبل، پلاسٹک کی چٹائیاں، پائیدار کچن سیٹ، پانی کا کولر اور اینٹی بیکٹیریل صابن شامل ہیں۔ جبکہ ہر فوڈ پیکج کا وزن 95 کلوگرام ہے جس میں آٹا، چینی، دالیں اور کھانا  پکانے کا تیل شامل ہیں تاکہ متاثرہ خاندانوں کی فوری غذائی ضروریات پوری کی جا سکیں۔

یہ تقسیم نیشنل ڈیزاسٹر مینجمنٹ اتھارٹی، پراونشل ڈیزاسٹر مینجمنٹ اتھارٹی، مقامی انتظامیہ اور کنگ سلمان ریلیف سینٹر کے شراکت دار حیات فاؤنڈیشن کے ساتھ قریبی تعاون سے کی جا رہی ہے تاکہ شفاف اور بروقت امداد سب سے زیادہ متاثرہ کمیونٹیز تک پہنچائی جا سکے۔

یہ اقدام سعودی عرب کی پاکستان کے عوام کے لیے انسانی ہمدردی پر مبنی مستقل وابستگی کا عکاس ہے، جن کو شاہ سلمان امدادی مرکز کے ذریعے عملی جامہ پہنایا جاتا ہے۔

یہ سالہا سال سے پاکستان کو مختلف مدت میں مدد فراہم کرتا رہا ہے جن میں میں غذائی تحفظ، صحت عامہ، شیلٹر، تعلیم اور قدرتی آفات سے نمٹنے کے پروگرام شامل ہیں۔

یہ اقدامات دونوں ممالک کے درمیان دوستی اور اخوت کے رشتے کو مزید مضبوط بناتے ہیں۔

اس قافلے کی روانگی اس دیرینہ شراکت داری میں ایک اور سنگِ میل ہے، جو پنجاب میں سیلاب سے متاثرہ خاندانوں کے لیے زندگی بچانے والی امداد فراہم کر رہا ہے۔