شاہ سلمان نے مسجد قبلتین کو 24 گھنٹے کھلا رکھنے کی ہدایت کردی
مسجد قبلتین مسجد نبوی کے مغرب میں 5 کلو میٹر کے فاصلے پر واقع ہے (فوٹو: ایس پی اے)
خادم حرمین شریفین شاہ سلمان بن عبد العزیز آل سعود نے ہدایت کی ہے کہ مدینہ منورہ کی مسجد قبلتین کو 24 گھنٹے کھلا رکھا جائے۔
سعودی پریس ایجنسی کے مطابق اس موقع پر گورنر مدینہ منورہ شہزادہ سلمان بن سلطان بن عبد العزیز نے شاہ سلمان بن عبد العزیز اور ولی عہد شہزادہ محمد بن سلمان کا شکریہ ادا کیا ہے۔
انہوں نے کہا ہے کہ ’سعودی قیادت اللہ کے گھروں پر ہمیشہ خصوصی توجہ اور مسلسل دیکھ بھال کرتی ہے اور زائرینِ حرمین کے لیے خدمات میں بہتری کے لیے ہمہ وقت کوشاں ہے‘۔
’یہ ہدایت در اصل اس خصوصی اہتمام کا تسلسل ہے جو سعودی عرب اللہ کے گھروں کے لئے رکھتی ہے جن میں سرفہرست حرمین شریفین ہیں‘۔
انہوں نے یقین دلایا کہ مسجد قبلتین کی خدمت اور آنے والے زائرین کی سہولت کے لیے بھرپور کوششیں بروئے کار لائی جائیں گی۔
مسجد قبلتین مسجد نبوی کے مغرب میں 5 کلو میٹر کے فاصلے پر واقع ہے۔ یہ وہ مسجد ہے جہاں دوران نماز قبلے کی تبدیلی کا حکم ہوا تھا۔ مدینے کے سب سے نمایاں تاریخی مقامات میں سے ایک ہے۔
مسجد قبلتین میں توسیع کے بعد یہاں 3 ہزار تک نمازیوں کی گنجائش ہے۔
’ کسی بھی ویزے پر سعودی عرب آنے والوں کو عمرے کی اجازت ہے‘Node ID: 895477
