ایک ماہ کے دوران 11 ملین سے زیادہ افراد نے عمرہ ادا کیا

حرمین شریفین کے امور کی دیکھ بھال کی جنرل اتھارٹی نے کہا ہے کہ ’ربیع الثانی 1447ھ کے دوران مسجد الحرام اور مسجد نبوی میں زائرین اور نمازیوں کی تعداد 54 ملین (54,511,901) ریکارڈ کی گئی ہے۔‘

ایس پی اے کے مطابق مسجد الحرام مکہ مکرمہ میں17 ملین افراد (17,743,854) نے نماز ادا کی۔ عمرہ کرنے والوں کی تعداد11 ملین( 11,784,153) ریکارڈ کی گئی۔

مسجد نبوی مدینہ منورہ میں 21 ملین (21,353,370)  نمازیوں کا خیرمقدم کیا گیا۔ 2,083,861 زائرین نے روضہ شریفہ میں نماز ادا کی جبکہ 1,488,943 نے روضہ رسول پر حاضری دی۔

یاد رہے حرمین شریفین کی دیکھ بھال کے امور کی جنرل اتھارٹی مسجد الحرام اور مسجد نبوی میں آنے والے نمازیوں اور زائرین کی تعداد کو ٹریک کرنے کےلیے جدید سینسر ٹیکنالوجی کا استعمال کررہی ہے۔

یہ نظام آپریشنل کارکردگی کو بہتر بنانے، ہجوم کے بہاو کو منظم کرنے میں معاون ہے۔