پاکستان میں حکومت کا پیٹرول اور ڈیزل کی قیمت میں اضافے کا اعلان

پاکستان میں حکومت نے پیٹرولیم مصنوعات کی قیمتوں میں اضافے کا اعلان کیا۔
جمعے کی رات خزانہ ڈویژن کی جانب سے پیٹرولیم مصنوعات کی قیمتوں میں اضافے کا نوٹی فیکیشن جاری کیا گیا۔

نوٹی فیکیشن کے مطابق پیٹرول کی قیمت میں فی لیٹر 2 روپے 43 پیسے کا اضافہ کیا گیا ہے جس کے بعد یہ فی لیٹر 265 روپے 45 پیسے کے حساب سے فروخت ہو رہا ہے۔
اس سے قبل پیٹرول کی فی لیٹر قیمت 263 روپے 02 پیسے مقرر تھی۔  
اسی طرح ہائی سپیڈ ڈیزل کی فی لیٹر قیمت 3 روپے 02 پیسے بڑھائی گئی ہے جس کے بعد اس کی فی لیٹر نئی قیمت 278 روپے 44 پیسے مقرر کی گئی ہے۔‘
اس سے قبل ہائی سپیڈ ڈیزل فی لیٹر 275 روپے 42 پیسے کے حساب سے فروخت ہو رہا تھا۔
پیٹرولیم مصنوعات کی نئی قیمتوں کا اطلاق جمعے اور سنیچر کی درمیانی رات 12 بجے سے ہو گیا ہے اور یہ قیمتیں آئندہ 15 روز کے لیے برقرار رہیں گی۔
اوگرا کے حکام کا کہنا ہے کہ ’پیٹرولیم مصنوعات کی قیمتوں میں ردوبدل عالمی مارکیٹ میں اُتار چڑھاؤ کو مدنظر رکھ کر کیا گیا ہے۔‘