قدیہ سٹی میں تاریخی پرفارمنگ آرٹس سینٹر کی تعمیر کا آغاز

قدیہ انویسٹمنٹ کمپنی نے قدیہ سٹی میں پرفارمنگ آرٹس سینٹر کی تعمیر کا باضابطہ آغاز کر دیا ہے جو شہر کو تفریح، کھیل اور ثقافت کے عالمی مرکز کے طور پر فروغ دینے کی جانب ایک اہم قدم ہے۔

سعودی پریس ایجنسی (ایس پی اے) کے مطابق سنگِ بنیاد رکھنے کی تقریب منصوبے کے مقام پر منعقد ہوئی جو طویق پہاڑوں کے کنارے واقع ہے۔

اس موقع پر کمپنی کے منیجنگ ڈائریکٹر نے کہا کہ  یہ سینٹر مقامی فنکاروں اور ہنرمندوں کو مواقع فراہم کرنے کے ساتھ ساتھ بین الاقوامی معیار کے ثقافتی پروگرامز اور پرفارمینسز کی میزبانی بھی کرے گا۔

تعمیراتی کام نیسما اینڈ پارٹنرز کے سپرد کیا گیا ہے۔ پرفارمنگ آرٹس سینٹر کی عمارت کا ڈیزائن باہم جڑے ہوئے آرکیٹیکچرل پینلز اور پانچ روشن بلیڈ نما ساختوں پر مشتمل ہے، جو صحرائی ماحول سے ہم آہنگ ہو کر اسے ایک نمایاں ثقافتی لینڈمارک بنائیں گی۔

یہ پیش رفت دسمبر 2025 میں قدیہ سٹی کے پہلے مرحلے کے افتتاح کے بعد سامنے آئی، جس میں سکس فلیگز قدیہ سٹی کا آغاز بھی شامل تھا۔

پرفارمنگ آرٹس سینٹر منصوبے کا مقصد مربوط اور عالمی معیار کے تفریحی و ثقافتی مقامات کی ترقی کے ذریعے معیارِ زندگی کو بہتر بنانا ہے۔