سعودی طلبا کی ماسکو میں مینڈلیف کیمسٹری اولمپیاڈ میں شرکت

سعودی طلبا کی ٹیم ماسکو میں روس کی میزبانی میں 60 ویں مینڈلیف کیمسٹری اولمپیاڈ میں شرکت کر رہی ہے، جو 15 سے 23 اپریل تک جاری رہے گا۔

 مینڈلیف کیمسٹری اولمپیاڈ کا آغاز 1967 میں کیا گیا تھا، یہ سب سے قدیم اور با وقار انٹرنیشنل کیمسٹری مقابلوں میں سے ایک ہے جو اپنے ہائی سٹینڈرز کے سوالات اور سخت مقابلے کے لیے جانا جاتا ہے۔

سعودی پریس ایجنسی (ایس پی اے) کے مطابق چھ ہائی سکول سٹوڈنٹس پر مشتمل اس سعودی ٹیم کو سپروائز اور ٹرین کنگ عبدالعزیز اینڈ ہز کمپینینز فاؤنڈیشن فار گفٹڈ اینڈ کری ایٹیویٹی (موھبہ) نے وزارت تعلیم کے ساتھ شراکت داری کے طور پر کیا۔

 سعودی طلبا 2013 سے اس اولمپیاڈ میں مملکت کی نمائندگی کر رہے ہیں۔ اس عرصے کے دوران سعودی طلبا نے 28 عالمی اعزازات حاصل کیے، ان میں تین سلور اور 23 کانسی کے میڈل شامل ہیں، جو عالمی مقابلوں میں پش رفت کی عکاسی کرتے ہیں۔

او لمپیاڈ میں حصہ لینے والے طلبا سال بھر تربیتی مراحل سے گزرتے ہیں، جن میں مقامی اور بین الاقوامی تربیتی کیمپوں کے ساتھ  تھیوری اور عملی تیاری کے متعدد مراحل شامل ہیں۔

یہ پروگرام کیمسٹری کے جدید ایشوز کو حل کرنے اور بین الاقوامی مقابلوں کے لیے تیاری کو بڑھانے کی صلاحیت کو فروغ دیتے ہیں۔