سعودی پروجیکٹ: یمن میں 724 بارودی سرنگیں اور جنگی باقیات تلف

یمن میں سعودی مسام پروجیکٹ کی  ٹاسک ٹیموں نے المکلا ایگزیکٹیو مائن ایکشن سینٹر کے تعاون سے گزشتہ ہفتے ایک کارروائی کے دوران علاقے 724 بارودی سرنگوں اور جنگ کی باقیات کو تباہ کیا ہے۔

عرب نیوز کے مطابق تلف کیے جانے والے آرڈیننس میں 29 اینٹی پرسنل مائنز، ایک ڈائریکشنل مائن، 88 آرٹلری شیل، 55 مارٹر شیل، 12 گرینڈ راونڈ، 18 آر پی جی پرو پیلینٹ چارجز، 486 آرٹلری شیل فیوز اور17 ٹینک پرو پیلینٹ چارجز شامل ہیں۔

یہ کارروائی حضر موت گورنریٹ میں نواں ڈسپوزل مشن تھا۔ 17 جنوری سے اب تک 16 ہزار 187 پھٹنے سے رہ جانے والے آرڈیننس، باردودی سرنگیں اور جنگی باقیات کو تباہ کیا جا چکا ہے۔

یہ پروجیکٹ یمن بھر میں بارودی سرنگوں کی صفائی کے ذریعے شہریوں کی سیفٹی کو بہتر بنانے اور متاثرہ علاقوں میں معمول کی زندگی کی بحالی میں مدد کر رہا ہے۔

یاد رہے یمن میں دھماکہ خیز مواد اور بارودی سرنگوں کو بلا تفریق زمین میں بچھایا گیا تھا، جو عام لوگوں، خاص طور پر بچوں، خواتین اور عمر رسیدہ افراد کے لیے سنگین خطرہ بن رہا تھا۔

پروجیکٹ کے تحت مختلف ٹیموں کو دیہات، سڑکوں اور سکولوں سے بارودی سرنگوں یا دھماکہ خیز مواد کو ہٹانے کا کام سونپا جاتا ہے تاکہ عام لوگ محفوظ رہتے ہوئے نقل و حرکت کر سکیں۔ انسانی امداد کی فراہمی کو آسان بنایا جاسکے۔